ҚОЗҒАЛЫС ЖӘНЕ ДЕНСАУЛЫҚ

Қозғалыс адам өмірі үшін аса қажет. Дене жаттығулары — организмдегі жасқа байланысты өзгерістердің алдын алатын және ұзақ өмір сүруге көмектесетін маңызды амалдардың бірі. Ежелгі гректер: «Егер сұлу болам десең — жүгір, денсаулығым мықты болсын десең — жүгір» дейтін.

Барынша аз қозғалып, жайлы өмір сүрсем дейтін адамдар өздерін артық қимылдан қорғай отырып, денсаулығымызды сақтаймыз деп ойлайды. Шындығына келгенде, бәрі керісінше. Тыныш өмір селқостық пен әлсіздікке, жалқаулыққа алып келеді, ал қозғалыссыз өмір кәрілікті жақындата түседі.  Енжарлық нәтижесінде адам организмі – орталық жүйке жүйесі, қан айналымы, тірек-қозғалыс аппараты, ішкі секреция бездері — өзгерістерге ұшырайды. Белсенді қызмет етіп тұрған жасушалар майлы және дәнекер тіндермен алмастырылады. Бұл жүрек бұлшық етінің әлсіреуіне алып келеді, жоғары қан қысымына және атеросклерозға бейімділік пайда болады. Енжар, қимылсыз өмір салтын ұстанатын адамдардың қанындағы эритроциттер мөлшері кемиді, сүйектері сынғыш келеді, бұлшық ет тіні семеді, май тіні көбейеді, оттегін тиімді қорыту қабілеті жоғалады, иммундық жүйе жаншылады. Дене белсенділігін төмендету, әсіресе, балалар мен 40 жастан асқан адамдар үшін қауіпті.
Балаларда гиподинамия организмнің қалыптасуын кешеуілдетеді, олардың жұқпалы ауруларға қарсы тұру күші кемиді, дене сымбаты, көру және есту қабілеті бұзылады. Жастарда жемісті қызметке қабілетсіздік дамиды. Ал қырықтан асқан кісілер ерте қартайып, бел қуаты кемиді, есте сақтау қабілеті нашарлайды.

Дене жаттығуларының артықшылықтары

  1. Сымбат түзейді
  2. Жұрек пен өкпе жұмысын жақсартады;
  3. Дене күш артады;
  4. Дене төзімділіг артады;
  5. Буындардың иілгіштігі, буындардың, байламдардың ең жоғары амплитудада қозғалысты қамтамасыз ету қабілеті артады;
  6. Бұлшық ет тонусы артады, бұл дегеніңіз дене жаттыгуын жасайтын адам денесін тк, дұрыс ұстайды деген сөз;
  7. Иммундық жүйе нығайып, қан айналымы жақсарадды, қандағы холестерин мөлшер азаяды;
  8. Іш қату, жамбас қуысындағы ктеуге алып келетн қан айналымының бұзылыстары жойылады;
  9. Жағымды көңіл-күй пайда болады;
  10. Негізгі алмасу үдерістері жақсарады, демек, қышқылдану үдерістері  күшейіп, жасушааралық кеңістікте қалдықтар аз шөгетін болады.Дене жаттығулары пайдалы болуы үшін денеге түсетін күш адамның жасына, салмағына, бойына лайық болуы; жаттығу кезінде жүрек соғысы минутына 120-130 рет соғуы; шамадан артық шаршамау; дене қимылы адамға тек қуаныш, рахат сезімін сыйлауы керек және дене шынықтырумен тұрақты түрде айналысу шарт.

Ерлан Боранбаев-№52  мектеп-лицейінің  мұғалімі

Добавить комментарий

Ваш e-mail не будет опубликован. Обязательные поля помечены *